کاتی دەستپێکردنەوەی گەشتە ئاسمانییەکانی عێراق ئاشکراکرا
سەرۆکی ئەمریکا لە پێشهاتێکی نوێدا دەڵێت، ئێستا وڵاتی چین دەتوانێت بەردەوامبێت لە کڕینی نەوتی ئێران.
سەرۆک وەزیرانی ئیسرائیل دەڵێت، ئیسرائیل سەرکەوتنێکی مێژوویی بەسەر ئێراندا بەدەستهێناوە کە بۆ چەندین نەوە بەردەوام دەبێت، کاتێک بەرنامە ئەتۆمییەکەیمان لەناوبردووە، وتیشی، ئەگەر ئێران هەوڵی بنیاتنانەوەی بەرنامە ئەتۆمییەکەی بدات دووبارە لەناویدەبەنەوە.
بەهۆی کەمبوونەوەی ئاڵۆزییەکانی نێوان ئێران و ئیسرائیل، وەزارەتی گواستنەوەی عێراق بڕیاریدا لەسبەینێوە دەست بە کردنەوەی فڕۆکەخانەکان بکرێت و گەشتە ئاسمانییەکان ئاسایی بکرێنەوە.
تەندروستی سۆران ده‌ڵێت، لیژنەی پشكنین و بەدواداچوون له ناوه‌ندى سۆران سێ نۆرینگه و تاقیگه‌یه‌كیان داخستووه، هۆكاره‌كه‌شیان بوونى ده‌رمانى قاچاغ و بێمۆڵه‌تى و كاركردنیان بووه پێچه‌وانه‌ى رێنماییه‌كان.
سەرۆك وەزیرانی عێراق سەرۆکایەتی کۆبوونەوەیەکی کرد بۆ پەسەندکردنی خشتەی شایستەی پڕۆژەکانی وەبەرهێنانی وەزارەتەکان و تێیدا خشتەی کۆتایی بۆ پێدانی دوو ترلیۆن دینار پەسەندکرا، لەو بڕەش نزیكەی ترلیۆن و نیوێكی بۆ پارێزگاکانە.
پۆلیسی سلێمانی دەڵێت، بەهۆی گرفتێکی تەکنیکییەوە، هەردوو هێڵی گەرمی بەڕێوەبەرایەتیمان، بەشی پۆلیسی فریاکەوتن ژمارە ١٠٤ و بەشی پۆلیسی نەهێشتنی تاوان ژمارە ١٠٥ دەوەستێت، هاوکات سەنتەری فریاکەوتنی خێرای سلێمانیش ئاگاداری هاوڵاتیان دەکاتەوە کە بەهۆی چاکسازی تەکنیکی لە سیستەمەکاندا، هێڵی گەرمی لە کار دەکەوێت.
وەزارەتی بازرگانی هه‌رێم رێژه گه‌نمی وەرگیراو لە جوتیارانی هەرێمی بڵاوکردەوە و دەڵێت، كۆى گشتی گەنمی وەرگیراو نزیكه‌ى ١٤٨ هه‌زار تەنە.
سەرۆكی یەكێتیی كۆمپانیاكانی فڕۆكەوانی و گەشتیاریی لە هەرێم دەڵێت، بەهۆی راگرتنی گەشتە ئاسمانییەكان سەرجەم كۆمپانیاكانی گەشتیاری زەرەرمەندبوون و دەشڵێت، لە رۆژانی داهاتوو سەرجەم گەشتەكان ئاسایی دەبنەوە.
سەرۆک وەزیرانی عێراق دەڵێت، حکومەتی عێراق پلانێکی تۆکمەی داڕشتووە بۆ دەستەبەرکردنی سیستمی بەرگریی ئاسمانی.
چاوگێک بە ئێـن ئـاڕ تـی وت، لە دەربەندیخان هاوڵاتییەک بەهۆی پێوەدانی زەردەواڵەوە گیانیلەدەستدا.
تیمێکی ئێن ئاڕ تی لە لایەن هێزێکی یەکێتییەوە دەستگیرکران و ماوەی شەش کاتژمێر دەستبەسەر کران، دواتر لەژێر فشاردا تیمەکەی ئێن ئاڕ تی ئازادکران.
سەرۆك كۆماری ئێران ئامادەیی وڵاتەكەی بۆ گفتوگۆ و دانووستان دەردەبڕێت و دەڵێت،"بەشداری راستەوخۆی ئەمریكا لە شەڕەکە ناچاری کردین هەڵوێستمان هەبێت".
دوای ئەوەی تیمێکی ئێن ئار تی لەلایەن هێزیکی یەکێتییەوە دەستگیرکران، دەستەی سەربەخۆیی مافی مرۆڤ لە هەرێم دەڵێت، پێویستە لە چوارچێوەی یاسا کارپێکراوەکان مامەڵە لەگەڵ رۆژنامەنووسان بکرێت و دەستبەجی هەردوو کارمەندەکە ئازاد بکرێن.
نرخی دۆلار لە بازاڕەکانی دراوی هەرێم دوای ئاگربەستی ئێران و ئیسرائیل رووی لە دابەزین کرد و بەراورد بە دوێنی زیاتر لە هەزار و ٥٠٠ دینار دابەزیوە.
لەكۆبوونەوەی كۆمیتەی ناوەندی حزبی شیوعی كوردستان، ئەبو كاروان لەجێگه‌ى کاوە مەحمود بەسكرتێری حزبی شیوعی هەڵبژێردراو هیوا عومەر بەجێگری سكرتێر دیاریكرا.
وەزارەتی نەوتی عێراق دەڵێت، مانگی رابردوو له رێگه‌ی كۆمپانیای سۆمۆوه ١٠١ ملیۆن و ٦٣٠ هەزار و ٩٢٥ بەرمیل نه‌وت فرۆشراوه و كۆی گشتی داهاته‌كه‌ی شه‌ش ملیار و ٣٦١ ملیۆن و ٣٦٣ هەزار دۆلار بووه.
پۆلیسی دارستان و ژینگەی پارێزگای سلێمانی دەڵێت، بە هۆکارێکى نادیار ئاگرێكی فراوان لە سنوورى شارباژێر كەوتەوە و لە ئەنجامیشدا ٥٠٠ دۆنم لە پووش و پاوان و ژمارەیەك داری سروشتی سووتان.
سایلۆی سلێمانی دەڵێت، جوتیارانی سنووری بەشی کشتوکاڵی بەکرەجۆ سبەی چوار شەمە دەتوانن سەردانی سایلۆی سلێمانی بکەن بە مەبەستی رادەستکردنی گەنمەکانیان.
سوپای ئیسرائیل دەڵێت، هێزی ئاسمانی هێرشی کردە سەر رادارێک لە نزیک تاران و میدیاکانی ئێرانیش دەڵێن، دوو تەقینەوە لە باکوری تارانی پایتەخت بیسترا.
فراکسیۆنی نەوەی نوێ بەدواداچونیان بۆ کێشە و گرفتەکانی کۆگاکانی بەشەخۆراک کرد، پەرلەمانتارێکی نەوەی نوێش دەڵێت، کێشە و کەموکوڕی لە کۆگاکانی بەشەخۆراکی هەرێمدا هەیە و لە هەوڵدان بۆ چارەسەرکردنی.
ئەمڕۆ لەكاتی ئامادەكردنی راپۆرتێك لە ناو بازاڕی شاری سلێمانی تیمێكیی ئێن ئاڕ تی لە لایەن هێزێكی ئەمنییەوە دەستگیركرا و سەنتەری میترۆش داوا دەکات ئازاد بکرێن.
سەرۆکی ئەمریکا دەڵێت، زۆر نیگەرانەوە لەوەی ئیسرائیل و ئێران ئاگربەستیان پێشێل کردووە و دووبارە هێرشیان کردووەتە سەر یەکتر و دەشڵێت، ئێران ناتوانێت پرۆگرامە ئەتۆمییەکەی بنیات بنێتەوە.
هاتوچۆی سلێمانی دەڵێت، سیستەمی نوێی مۆڵەتی شۆفێری بەشی تیۆری بە شێوەیەکی فەرمی کەوتە بواری جێبەجێکردنەوە و چەند رێنماییەکی بۆ فێرخوازان لە هۆڵی تاقیکردنەوەی شۆفێری خستەڕوو.
ئەنجومەنی باڵای ئاسایشی نەتەوەیی ئێران دەڵێت، متمانەیان بە قسەی دوژمن نییە و ئامادەن وەڵامی یەکلاکەرەوەی هەر دوژمنكارییەك بدەنەوە و یسرائیل کاتز، وەزیری بەرگریی ئیسرائیلیش دەڵێت، هێرش دەکەنە سەر ناوەڕاستی تاران.
بریکاری پێشووتری وەزارەتی دارایی عێراق دەڵیت، ئەگەر هەرێم شاندێکی باڵا بنێرێتە بەغدا کێشەی موچە چارەسەر دەبێت، وتیشی چوار سەرۆکایەتییەکەی عیراق کۆکن لەسەر ئەوەی دەبێت هەرێم پابەندی سەرجەم بەندەکانی بڕیاری دادگای فیدراڵی بێت.
وەزارەتی تەندروستی هەرێم دەڵێت، کۆگایەکی شاراوەی دەرمانی قاچاخ لە ناو دەرمانخانەیەک دەستی بەسەرداگیرا.
کەشناسی هەرێم دەڵێت، ئاسمان ساماڵ دەبێت لەگەڵ بوونى تۆزێکى کەم، پلەکانی گەرما نزیک دەبێتەوە لە تۆمارکراوەکانی دوێنێ.
تەلەڤزیۆنی ئێران دەڵێت، لە هێرشەكانی ئیسرائیلی ئەم بەرەبەیانە بۆ سەر تاران و كەرەج زانایەكی دیکەی ئەتۆمیی ئێران كوژرا.
فڕۆكه‌خانه‌ی نێوده‌وڵه‌تی سلێمانی دەڵێت، له‌لایه‌ن ده‌سه‌ڵاتی فڕۆكه‌وانی شارستانی عێراقیه‌وه، ئاگاداركراونه‌ته‌وه كه ئاسمانی عێراقی به‌ڕووی گه‌شته ئاسمانییه‌كاندا كراوه‌یه.
نێچیرڤان بارزانی دەڵێت، باوەڕی تەواوی بەوەیە کە تاکە رێگە بۆ سەقامگیری، ئاسایش و خۆشگوزەرانی لە رۆژهەڵاتی ناوەڕاست لە گفتوگۆی گشتگیر و بنیاتنەر و لێکتێگەیشتنی هاوبەشی هەموو لایەنەکانە.